08 dekabr 2022
Kənd Təsərrüfatı Nazirliyi yanında Aqrar İnnovasiya Mərkəzinin təşkilatçılığı ilə Respublikamızın İmişli və Şəmkir rayonlarında Aqrar İnnovasiya Festivalı keçirilib. Şirkətimizin mütəxəssisləri tərəfindən fermerlərə “ağıllı” kənd təsərrüfatı sistemləri üzrə nümayiş olunan innovativ texnologiyaların iş prinsipi və onlardan istifadənin üstünlükləri barədə məlumat verilib.
06 sentyabr 2022
2022-ci ilin 17-18 avqustunda Gurtam şirkəti tərəfindən Vilnüs şəhərində "Telematics Vilnius 2022" konfransı keçirilmişdir. Wialon Top Partners reytinqində son on iki ay ərzində ən çox avtomobilə GPS izləmə cihazları quraşdıran onlarla ən uğurlu regional tərəfdaşları mükafatlandırıldı. Wialon Top 10 Central Asia regional reytinqində şirkətimiz üçüncü yeri tutmuşdur.
25 iyul 2022
Kənd Təsərrüfatı Nazirliyi yanında Aqrar İnnovasiya Mərkəzinin təşkilatçılığı ilə Qobustan rayonunda növbəti innovasiya festivalı keçirilmişdir. Festivalda ABŞ Beynəlxalq İnkişaf Agentliyinin (USAİD) təşəbbüsü ilə (GlobalGAP) Qabaqcıl kənd təsərrüfatı təcrübələri standartlaşdırma sistemi təlimi və “A+A Security” şirkətinin mütəxəssisləri tərəfindən "ağıllı" təsərrüfatı sistemləri barədə məlumat sessiyası keçirilib. Eləcə də festivalda əməkdaşımız, aqro dronların idarəedilməsi ilə bağlı Türkiyənin “Sapmaz Havacılık və İleri Teknolojiler” şirkətinin mütəxəssisləri tərəfindən keçirilən təlimləri müvəffəqiyyətlə başa vuraraq sertifikat və müvafiq vəsiqə qazanmışdır.
